kuch tu hawa bhi sard thi kuch tha tera khiyal bhi
dil ko khushi ke saath saath hota raha malaal bhi

baat wo adhi raat ki raat wo purey chand ki
chand bhi ain cheet ka uspe tera jamaal bhi

sab se nazar bacha ke woh mujhe kuch is tarhan se dekhta
ek dafa tu ruk gaya gardish-e-mahoo saal bhi

dil tu chamak sakey ga kia phir bhi tarash ke dekh lain
sheesha garan-e-shehar ke haath ka yeh kamaal bhi

usko na pa sakey the jab dil ka ajab haal tha
ab jo palat k dekhiye baat thi kuch muhaal bhi

meri talab tha ek shaks wo jo nahi mila tu phir
haath dua se yuh gira bhool gaya sawal bhi

uski sukhan tarashiyan mere liye bhi dhaal thein
uski hansi main chup gaya apne ghumon ka haal bhi

gah-e-kareeb shahrag gah-e-umeed diam-o-khuwab
uski rafakatoon mai raat hijar bhi thi wasal bhi

us ke baazuoon mai aur us ko hi sochte rahe
jism ki khuwaish pe the rooh ke aur jaal bhi

shaam ki nasamjh hawa pooch rahi hai ek pata
mooj-e-hawa-e-ko-e-yaar kuch to mera khiyaal bhi

• Leave a comment... (1)

• Leave a comment... (2)

wo to khushbu hai hawaon main bikhar jayega
masla phul ka hai phul kidhar jayega

ham to samjhe the k ek zakhm hai bhar jayega
kya khabar thi k rag-e-jan main utar jayega

wo hawaon ki tarah khanabajan phirta hai
ek jhonka hai jo ayega guzar jayega

wo jab ayega to phir us ki rafaqat k liye
mausam-e-gul mere angan main thahar jayega

akhir wo bhi kahin ret pe baithi hogi
tera ye pyar bhi dariya hai utar jayega

• Leave a comment... (0)

teri khushbu ka pata karti hai
mujh pe ehsan hawa karti hai

shab ki tanhai main ab to aksar
guftagu tujh se raha karti hai

dil ko us rah pe chalna hi nahin
jo mujhe tujh se juda karti hai

zindagi meri thi lekin ab to
tere kahne main raha karti hai

us ne dekha hi nahin warna ye ankh
dil ka ehwal kaha karti hai

beniyaz-e-kaf-e-dariya angusht
ret par nam likha karti hai

sham parte hi kisi shakhs ki yad
kucha-e-jan main sada karti hai

mujh se bhi us ka hai waisa hi suluk
hal jo tera ana??? karti hai

dukh hua karta hai kuch aur bayan
bat kuch aur hua karti hai

abr barse to inayat us ki
shakh to sirf dua karti hai

masla jab bhi utha chiragon ka
faisala sirf hawa karti hai

• Leave a comment... (0)

Sundar komal sapnon ki barat guzar gai janan
dhup ankhon tak a pahunchi hai rat guzar gai janan

bhor samay tak jis ne hamain baham uljhaye rakha
wo albeli resham jaisi bat guzar gai janan

sada ki dekhi rat hamain is bar mili to chup k se
khali hath pe rakh k kya saugat guzar gai janan

kis konpal ki as main ab tak waise hi sar-sabz ho tum
ab to dhup ka mausam hai barsat guzar gai janan

log na jane kin raton ki muraden manga karte hain
apni rat to wo jo tere sath guzar gai janan

• Leave a comment... (0)

sabz madham roshani main surkh anchal ki dhanak
sard kamre main machalti garm sanson ki mahak

bazuon k sakht halqe main koi nazuk badan
silwaten malbus par anchal bhi kuch dhalka hua

garmi-e-rukhsar se dahki hui thandi hawa
narm zulfon se mulayam ungliyon ki cher char

surkh honton par shararat k kisi lamhen ka aks
reshami bahon main churi ki kabhi madham dhanak

sharmagin lahjon main dhire se kabhi chahat ki bat
do dilon ki dhrkanon main gunjti thi ek sada

kanpte honton pe thi Allah se sirf ek dua
kash ye lamhe thahar jayen thahar jayen zara

• Leave a comment... (0)

rukne k samay guzar gaya hai
jana tera ab thahar gaya hai

rukhsat ki ghari khari hai sar par
dil koi do-nim kar gaya hai

matam ki faza hai shahar-e-dil main
mujh main koi shakhs mar gaya hai

bujhne ko hai phir se chashm-e-nargis
phir khwab-e-saba bikhar gaya hai

bas ik nigah ki thi us ne
sara chehara nikhar gaya hai

• Leave a comment... (0)

abr-e-bahar ne
phul ka chehra
apne banafshi hath main lekar
aise chuma
phul k sare dukh
khushbu ban kar bah nikle hain

• Leave a comment... (0)

mushkil hai ab shahar main nikle koi ghar se
dastar pe bat a gai hai hoti hui sar se

barsa bhi to kis dasht k be-faiz badan par
ik umr mere khet the jis abr ko tarse

is bar jo indhan k liye kat k gira hai
chiriyon ko bara pyar tha us burhe shajar se

mehnat meri andhi se to mansub nahin thi
rahna tha koi rabt shajar ka bhi samar se

khud apne se milne ka to yara na tha mujh main
main bhir main gum ho gai tanhai k dar se

benam musafat hi muqaddar hai to kya gam
manzil ka ta’yyun kabhi hota hai safar se

pattharaya hai dil yun k koi ism parha jaye
ye shahar nikalta nahin jadu k asar se

nikle hain to raste main kahin sham bhi hogi
suraj bhi magar ayega is rah-guzar se

• Leave a comment... (0)

musalsal bekali dil ko rahi hai
magar jine ki surat to rahi hai

main kyun phirta hun tanha mara mara
ye basti chain se kyon so rahi hai

chal dil se ummidon k musafir
ye nagari aj khali ho rahi hai

na samjho tum ise shor-e-baharan
khizan patton main chup k ro rahi hai

hamare ghar ki diwaron pe ‘Nasir’
udasi bal khole so rahi hai

• Leave a comment... (0)