a jayen ham nazar jo koi dam bahut hai yan
mohlat basan-e-barq-o-sharar kam bahut hai yan

yak lahza sina kobi se fursat hamein nahin
yani ki dil ke jane ka matam bahut hai yan

ham rah rawan-e-rah-e-fana der rah chuke
waqfa basan-e-subh koi dam bahut hai yan

hasil hai kya siwaye tarai ke dahar mein
uth asman tale se ke shabnam bahut hai yan

is butkade mein mani ka kis se karen sawal
adam nahin surat-e-adam bahur hai yan

ajaz-e-isawi se nahin bahs ishq mein
teri hi bat jan-e-mujassim bahut hai yan

mere hilak karne ka gam hai abas tumhen
tum shad zindagani karo gam bahut hai yan

shayad ke kam subh tak apana khinchena ‘Mir’
ahawal aj sham se darham bahut hai yan

• Leave a comment... (0)

ab jo ik hasrat-e-jawani hai
umr-e-rafta ki ye nishani hai

khak thi maujzan jahan mein, aur
ham ko dhoka ye tha k pani hai

giriya har waqt ka nahin behech
dil mein koi gam-e-nihani hai

ham qafas zad qaidi hain warna
ta chaman parfashani hai

yan huye ‘Mir’ ham barabar-e-khak
wan wahi naz-o-sargirani hai

• Leave a comment... (0)

andoh se hui na rihai tamam shab
mujh dil jale ko nind na ai tamam shab

chamak chali gai thi sitaron ki subah tak
k asman se didabarai tamam shab

jab main ne shuru qissa kiya ankhen khol din
yaqini thi mujh ko chashm numai tamam shab

waqt-e-siyah ne der mein kal yawari si ki
thi dushmanon se in ki larai tamam shab

tare se teri palkon pe qatre the ashk k
de rahe hain “Mir” dikhai tamam shab

• Leave a comment... (0)

ankhon mein ji mera hai idhar yar dekhna
ashiq ka apane akhri didar dekhna

kaisa chaman ke ham se asiron ko mana hai
chak-e-qafas se bag ki diwar dekhna

ankhen churaio na tuk abr-e-bahar se
meri taraf bhi didah-e-khunbar dekhna

ae ham-safar na able ko pahunche chashm-e-tar
laga hai mere paon mein a kar dekhna

hona na char chashm dik uss zulm-paishah se
hoshiyar zinhar khabardar dekhna

sayad dil hai dag-e-judai se rashk-e-bag
tujh ko bhi ho nasib ye gulzar dekhna

gar zamzama yahi hai koi din to hamsafar
is fasl hi mein ham ko giraftar dekhna

bul-bul hamare gul pe na gustakh kar nazar
ho jayega gale ka kahin har dekhna

shayad hamari khak se kuch ho bhi ae nasim
girbal kar ke kucha-e-dildar dekhna

us khush-nigah ke ishq se parhez kijio ‘Mir’
jata hai leke ji hi ye azar dekhna

• Leave a comment... (0)

arzuen hazar rakhte hain
to bhi ham dil ko mar rakhte hain

barq kam hausla hai ham bhi to
dil ek beqarar rakhte hain

gair hai murad-e-inayat hae
ham bhi to tum se pyar rakhte hain

na nigah na payam na wada
nam ko ham bhi yar rakhte hain

ham se khush zam-zama kahan yun to
lab-o-lahja hazar rakhte hain

chote dil k hain butan mashur
bas yahi aitbar rakhte hain

phir bhi karte hain “Mir” sahib ishq
hain jawan ikhtiyar rakhte hain

• Leave a comment... (0)

ashk ankhon main kab nahin ata
lahu ata hai jab nahin ata

hosh jata nahin raha lekin
jab wo ata hai tab nahin ata

dil se rukhsat hui koi khwahish
girya kuch be-sabab nahin ata

ishq ka hausala hai shart warna
bat ka kis ko dhab nahin ata

ji main kya-kya hai apne ae hamdam
har sukhan ta ba-lab nahin ata

• Leave a comment... (0)

barang-e-bu-e-gul, is bagh k ham ashna hote
k ham-rah-e-saba tuk sair karte, aur hawa hote

sarapa arzu hone ne banda kar diya hamko
wagarna ham khuda the, gar dil-e-bemudda hote

falak, ai kash! hamko khak hi rakhta, ki us mein ham
gubar-e-rah hote ya kisi ki khak-e-pa hote

ilahi kaise hote hain jinhen hai bandagi khwahish
hamein to sharm daman-gar hoti hai, khuda hote

kahen jo kuch malamatgar, baja hai ‘Mir’ kya jane
unhen malum tab hota, ki waise se juda hote

• Leave a comment... (0)

bat kya admi ki ban ai
asman se zamin napwai

charakh zan uske waste hai madam
ho gaya din tamam rat ai

mah-o-khurshid-o-bad sabhi
uski khatir hue hain saudai

kaise kaise kiye taraddad jab
rang rang usko chiz pahunchai

usko tarajah sab ke upar de
lutf-e-haq ne ki izzat afzai

hairat ati hai uski baten dekh
khud sari khud satai khud rai

shukr ke sajdon mein ye wajib tha
ye bhi karta sajda jabin sai

so to uski tabiyat-e-sarkash
sar na lai faro ke tuk lai

‘Mir’ na chiz musht-e-khak Allah
un ne ye kibriya kahan pai

• Leave a comment... (0)

be-khudi le gai kahan ham ko
der se intazar hai apna

rote phirte hain sari-sari rat
ab yahi rozgar hai apna

de k dil ham jo ho gae majbur
is main kya ikhtiyar hai apna

kuch nahin ham misal-e-anqa lek
shahar-shahar ishtahar hai apna

jis ko tum asman kahte ho
so dilon ka gubar hai apna

• Leave a comment... (0)

dam-e-subah bazm-e-khush jahan shab-e-gam se kam na thi meharban
k chirag tha so to dud tha jo patang tha so gubar tha

dil-e-khasta jo lahu ho gaya to bhala hua k kahan talak
kabhi soz-e-sina se dag tha kabhu dard-o-gam se figar tha

dil-e-muztarib se guzar gai shab-e-wasl apni hi fikr main
na dimag tha na farag tha na shakb tha na qarar tha

• Leave a comment... (0)