Hassan Rizvi SMS, Text Messages and Poems

Page No. 1

Hasan Rizvi Poems and SMS in Urdu and Roman Urdu

Collection of Latest Hasan Rizvi Poems, SMS & Text Messages in Roman Urdu and Urdu.

Hasan Rizvi - Poet

Ye Shab-e-firaq Ye Bebasi Hain Qadam Qadam Pe Udasiyan

Posted in Hassan Rizvi SMS
buzz_button

ye shab-e-firaq ye bebasi hain qadam qadam pe udasiyan
mera sath koi na de saka meri hasraten hain dhuan dhuan

main tarap tarap k jiya to kya mere khwab mujh se bichar gaye
main udas ghar ki sada sahi mujhe de na koi taslliyan

chali aisi dard ki andhiyan mere dil ki basti ujar gai
ye jo rakh-si hai bujhi bujhi hain isi mein meri nishaniyan

ye fiza jo gard-o-gubar hai meri bekasi ka mazar hai
main wo phul hun jo na khil saka meri zindagi mein wafa kahan

Teri Guftagu Mein Hai Jo Chashni Jo Tere Labon Mein Halawaten

Posted in Hassan Rizvi SMS
buzz_button

teri guftagu mein hai jo chashni jo tere labon mein halawaten
na surur wo fasl-e-bahar mein na gulon mein latafaten

kahan rah gain teri nighaten wo saba kidhar ko nikal gai
teri ahaton ko taras gain mere jism-o-jan ki samaten

tere ang ang amin loch hai mere dil k soz-o-gadaz ka
mere khun-e-dil se raqam huin tere rang-o-bu ki hikayaten

meri chashm-e-gam dil-e-muztarib gam-e-arazu gam-e-justaju
liye phir raha hun nagar nagar kisi mehraban ki amanaten

Kabhi Kitabon Mein Phul Rakhna

Posted in Hassan Rizvi SMS
buzz_button

kabhi kitabon mein phul rakhna
kabhi darakhton pe nam likhna
hamein bhi hai yad aj tak wo
nazar se harf-e-salam likhna

wo chand chehre wo behki baten
sulagte din the mehakti raten
wo chote-chote se kagzon par
muhabbaton k payam likhna

gulab chehron se dil lagana
wo chupke chupke nazar milana
wo arzuon k khwab bunna
wo qissa-e-natamam likhna

mere nagar ki hasin fizao
kahin jo un k nishan pao
to puchna ye kahan base ho
kahan hain un ka qayam likhna

gai ruton mein “Hassan” hamara
bas ek hi to ye mashgala tha
kisi k chehre ko subah kahna
kisi ki zulfon ko sham likhna

1/11