kahan the rat ko hamse zara nigah mile
talash main ho k jhutha koi gavah mile

ye hai maze ki larai, ye hai maze ka milap
ki tujhse ankh lari ???????????????????????

tera gurur samaya hai is qadar dil main
nigah bhi na milaun to badashah mile

masal-sal ye hai k milane se kaun milta hai
milo to ankh mile, mile to nigah mile

• Leave a comment... (0)

afat ki shokhiyan hain tumhari nigah main
mehshar k fitne khelte hain jalwa-gah main

wo dushmani se dekhte hain dekhte to hain
main shad hun k hun to kisi ki nigah main

ati bat bat mujhe yad bar bar
kahata hun daur daur k qasid se rah main

is taubah par hai naz mujhe zahid is qadar
jo tut kar sharik hun hal-e-tabah main

mushtaq is ada k bahot dard-mand the
ae Dag tum to baith gaye ek ah main

• Leave a comment... (0)

ajab apna hal hota jo visal-e-yar hota
kabhi jan sadqe hoti kabhi dil nisar hota

na maza hai dushmani main na hai lutf dosti main
koi gair gair hota koi yar yar hota

ye maza tha dillagi ka k barabar ag lagti
na tumhen qarar hota na hamain qarar hota

tere wade par sitamagar abhi aur sabr karte
agar apni zindagi ka hamain aitabar hota

• Leave a comment... (0)

arazu hai vafa kare koi
ji na chahe to kya kare koi

gar marz ho dava kare koi
marne vale ka kya kare koi

koste hain jale hue kya kya
apne haq main dua kare koi

un se sab apni apni kahte hain
mera matalab ada kare koi

tum sarapa ho surat-e-tasvir
tum se phir bat kya kare koi

jis main lakhon baras ki huren hon
aisi jannat ko kya kare koi

• Leave a comment... (0)

butan-e-mahvash ujri hui manzil main rahte hain
k jis ki jan jati hai usi k dil main rahte hain

hazaron hasraten vo hain k rok se nahin ruktin
bahot arman aise hain k dil k dil main rahte hain

Khuda rakhe muhabbat k liye abad donon ghar
main un k dil main rahta hun vo mere dil main rahte hain

zamin par panv nakhvat se nahin rakhte pari-paikar
ye goya is makan ki dusari manzil main rahte hain

koi nam-o-nishan puche to ai qasid bata dena
takhallus “Dag” hai aur ashiqon k dil main rahte hain

• Leave a comment... (0)

darte hain chashm-o-zulf, nigah-o-ada se ham
har dam panah mangte hain har bala se ham

mashuq jaye hur mile, may bajaye ab
mahshar main do saval karenge Khuda se ham

go hal-e-dil chupate hain par is ko kya karen
ate hain khud khud nazar ik mubtala se ham

dekhen to pahle kaun mite uski rah main
baithe hain shart bandh k har naqsh-e-pa se ham

• Leave a comment... (0)

dil gaya tum ne liya ham kya karen
janevali chiz ka gam kya karen

pure honge apne arman kis tarah
shauq behad waqt hai kam kya karen

baksh den pyar ki gustakhiyan
dil hi qabu main nahin, ham kya karen

tund khu hai kab sune vo dil ki bat
aur bhi baraham ko baraham kya karen

ek sagar par hai apni zindagi
rafta rafta is se bhi kam kya karen

kar chuke sab apni-apni hikmaten
dam nikalta hai ai mere hamadam kya karen

dil ne sikha sheva-e-beganagi
aise namuharim ko muharim kya karen

mamala hai aj husn-o-ishq ka
dekhiye vo kya karen ham kya karen

kah rahe hain ahal-e-sifarish mujhse “Dag”
teri qismat hai buri ham kya karen

• Leave a comment... (0)

dil ko kya ho gaya Khuda jane
kyon hai aisa udas kya jane

kah diya main ne hal-e-dil apna
is ko tum jano ya Khuda jane

jante jante hi janega
mujh main kya hai abhi wo kya jane

tum na paoge sada dil mujh sa
jo tagaful ko bhoi haya jane

• Leave a comment... (0)

gam se kahin najat mile chain payen ham
dil khun main nahae to ganga nahayen ham

jannat main jayen ham k jahannum main jayen ham
mil jae tu kahin na kahin tujh ko payen ham

mumkin hai ye k vade pe apne vo a bhi jae
mushkil ye hai k ap main us vaqt ayen ham

naraz ho Khuda to karen bandagi se khush
mashuq ruth jae to kyon kar manayen ham

sar doston k kat kar rakhe hain samane
gairon se puchte hain qasam kis ki khayen ham

saunpa tumhen Khuda ko chale ham to namurad
kuch parh k bakhshna jo kabhi yad ayen ham

ye jan tum na loge agar ap jayegi
is bevafa ki khair kahan tak manayen ham

ham-saye jagate rahe nalon se rat bhar
soye huye nasib ko kyon kar jagayen ham

tu bhulane ki chiz nahin khub yad rakh
ai “Dag” kis tarah tujhe dil se bhulayen ham

• Leave a comment... (0)

gazab kiya, tere vade pe aitabar kiya
tamam rat qayamat ka intezar kiya

hansa hansa k shab-e-vasl ashk-bar kiya
tasalliyan mujhe de-de k beqarar kiya

ham aise mahv-e-nazara na the jo hosh ata
magar tumhare tagaful ne hoshiyar kiya

fasana-e-shab-e-gam un ko ek kahani thi
kuch aitabar kiya aur kuch na-aitabar kiya

ye kisne jalva hamare sar-e-mazar kiya
k dil se shor utha, hae! beqarar kiya

tarap phir ai dil-e-nadan, k gair kahte hain
akhir kuch na bani, sabr ikhtiyar kiya

bhula bhula k jataya hai unko raz-e-nihan
chipa chipa k mohabbat ko ashkar kiya

tumhen to vada-e-didar ham se karna tha
ye kya kiya k jahan ko ummidavar kiya

ye dil ko tab kahan hai k ho malandesh
unhone vada kiya ham ne aitabar kiya

na puch dil ki haqiqat magar ye kahte hain
vo beqarar rahe jisne beqarar kiya

kuch age davar-e-mahashar se hai ummid mujhe
kuch ap ne mere kahne ka aitabar kiya

• Leave a comment... (0)