بڈھے بلوچ کي نصيحت بيٹے کو

ہو تيرے بياباں کي ہوا تجھ کو گوارا
اس دشت سے بہتر ہے نہ دلي نہ بخارا
جس سمت ميں چاہے صفت سيل رواں چل
وادي يہ ہماري ہے، وہ صحرا بھي ہمارا
غيرت ہے بڑي چيز جہان تگ و دو ميں
پہناتي ہے درويش کو تاج سر دارا
حاصل کسي کامل سے يہ پوشيدہ ہنر کر
کہتے ہيں کہ شيشے کو بنا سکتے ہيں خارا
افراد کے ہاتھوں ميں ہے اقوام کي تقدير
ہر فرد ہے ملت کے مقدر کا ستارا
محروم رہا دولت دريا سے وہ غواص
کرتا نہيں جو صحبت ساحل سے کنارا
ديں ہاتھ سے دے کر اگر آزاد ہو ملت
ہے ايسي تجارت ميں مسلماں کا خسارا
دنيا کو ہے پھر معرکہء روح و بدن پيش
تہذيب نے پھر اپنے درندوں کو ابھارا
اللہ کو پامردي مومن پہ بھروسا
ابليس کو يورپ کي مشينوں کا سہارا
تقدير امم کيا ہے، کوئي کہہ نہيں سکتا
مومن کي فراست ہو تو کافي ہے اشارا
اخلاص عمل مانگ نيا گان کہن سے
‘شاہاں چہ عجب گر بنوازند گدا را!’

خودی کو کر بلند اتنا کہ ہر تقدیر سے پہلے
خدا بندے سے خود پوچھے، بتا تیری رضا کیاہے!

خردمندوں سے کيا پوچھوں کہ ميري ابتدا کيا ہے
کہ ميں اس فکر ميں رہتا ہوں ، ميري انتہا کيا ہے
خودي کو کر بلند اتنا کہ ہر تقدير سے پہلے
خدا بندے سے خود پوچھے ، بتا تيري رضا کيا ہے
مقام گفتگو کيا ہے اگر ميں کيميا گرہوں
يہي سوز نفس ہے ، اور ميري کيميا کيا ہے!
نظر آئيں مجھے تقدير کي گہرائياں اس ميں
نہ پوچھ اے ہم نشيں مجھ سے وہ چشم سرمہ سا کيا ہے
اگر ہوتا وہ مجذوب فرنگي اس زمانے ميں
تو اقبال اس کو سمجھاتا مقام کبريا کيا ہے
نواے صبح گاہي نے جگر خوں کر ديا ميرا
خدايا جس خطا کي يہ سزا ہے ، وہ خطا کيا ہے!

جرمني کا مشہور محذوب فلسفي نطشہ جو اپنے قلبي واردات کا صحيح اندازہ نہ کرسکا
اوراس ليے اس کے فلسفيانہ افکار نے اسے غلط راستے پر ڈال ديا

مرزا غالب

فکر انساں پر تري ہستي سے يہ روشن ہوا
ہے پر مرغ تخيل کي رسائي تا کجا
تھا سراپا روح تو ، بزم سخن پيکر ترا
زيب محفل بھي رہا محفل سے پنہاں بھي رہا
ديد تيري آنکھ کو اس حسن کي منظور ہے
بن کے سوز زندگي ہر شے ميں جو مستور ہے
محفل ہستي تري بربط سے ہے سرمايہ دار
جس طرح ندي کے نغموں سے سکوت کوہسار
تيرے فردوس تخيل سے ہے قدرت کي بہار
تيري کشت فکر سے اگتے ہيں عالم سبزہ وار
زندگي مضمر ہے تيري شوخي تحرير ميں
تاب گويائي سے جنبش ہے لب تصوير ميں
نطق کو سو ناز ہيں تيرے لب اعجاز پر
محو حيرت ہے ثريا رفعت پرواز پر
شاہد مضموں تصدق ہے ترے انداز پر
خندہ زن ہے غنچہ دلي گل شيراز پر
آہ! تو اجڑي ہوئي دلي ميں آراميدہ ہے
گلشن ويمر ميں تيرا ہم نوا خوابيدہ ہے
لطف گويائي ميں تيري ہمسري ممکن نہيں
ہو تخيل کا نہ جب تک فکر کامل ہم نشيں
ہائے! اب کيا ہو گئي ہندوستاں کي سر زميں
آہ! اے نظارہ آموز نگاہ نکتہ بيں
گيسوئے اردو ابھي منت پذير شانہ ہے
شمع يہ سودائي دل سوزي پروانہ ہے
اے جہان آباد ، اے گہوارہ علم و ہنر
ہيں سراپا نالہ خاموش تيرے بام و در
ذرے ذرے ميں ترے خوابيدہ ہيں شمں و قمر
يوں تو پوشيدہ ہيں تيري خاک ميں لاکھوں گہر
دفن تجھ ميں کوئي فخر روزگار ايسا بھي ہے؟
تجھ ميں پنہاں کوئي موتي آبدار ايسا بھي ہے؟

ہمد ر د ي

ٹہني پہ کسي شجر کي تنہا
بلبل تھا کوئي اداس بيٹھا
کہتا تھا کہ رات سر پہ آئي
اڑنے چگنے ميں دن گزارا
پہنچوں کس طرح آشياں تک
ہر چيز پہ چھا گيا اندھيرا
سن کر بلبل کي آہ و زاري
جگنو کوئي پاس ہي سے بولا
حاضر ہوں مدد کو جان و دل سے
کيڑا ہوں اگرچہ ميں ذرا سا
کيا غم ہے جو رات ہے اندھيري
ميں راہ ميں روشني کروں گا
اللہ نے دي ہے مجھ کو مشعل
چمکا کے مجھے ديا بنايا
ہيں لوگ وہي جہاں ميں اچھے
آتے ہيں جو کام دوسرں کے

بچے کي د عا

لب پہ آتي ہے دعا بن کے تمنا ميري
زندگي شمع کي صورت ہو خدايا ميري
دور دنيا کا مرے دم سے اندھيرا ہو جائے
ہر جگہ ميرے چمکنے سے اجالا ہو جائے
ہو مرے دم سے يونہي ميرے وطن کي زينت
جس طرح پھول سے ہوتي ہے چمن کي زينت
زندگي ہو مري پروانے کي صورت يا رب
علم کي شمع سے ہو مجھ کو محبت يا رب
ہو مرا کام غريبوں کي حمايت کرنا
دردمندوں سے ضعيفوں سے محبت کرنا
مرے اللہ! برائي سے بچانا مجھ کو
نيک جو راہ ہو اس رہ پہ چلانا مجھ کو

لڑکياں پڑھ رہي ہيں انگريزي
ڈھونڈلي قوم نے فلاح کي راہ
روش مغربي ہے مدنظر
وضع مشرق کو جانتے ہيں گناہ
يہ ڈراما دکھائے گا کيا سين
پردہ اٹھنے کي منتظر ہے نگاہ

مسجد تو بنا دي شب بھر ميں ايماں کي حرارت والوں نے
من اپنا پرانا پاپي ہے، برسوں ميں نمازي بن نہ سکا
کيا خوب امير فيصل کو سنوسي نے پيغام ديا
تو نام و نسب کا حجازي ہے پر دل کا حجازي بن نہ سکا
تر آنکھيں تو ہو جاتي ہيں، پر کيا لذت اس رونے ميں
جب خون جگر کي آميزش سے اشک پيازي بن نہ سکا
اقبال بڑا اپديشک ہے من باتوں ميں موہ ليتا ہے
گفتارکا يہ غازي تو بنا ،کردار کا غازي بن نہ سکا